ÇSKA-da baş məşqçi istefası zərurətə çevrilib. Moskva klubu Fabio Çelestini ilə yolları ayırıb.

"Football-plus.az" xəbər verir ki, paytaxt təmsilçisinin rəsmi saytının məlumatına görə, isveçrəli mütəxəssislə müqaviləyə qarşılıqlı razılıq əsasında xitam verilib. Bu qərar komandanın uğursuz çıxışına görə vacib sayılıb. ÇSKA hazırda Rusiya çempionatında 28 turdan sonra 45 xalla 6-cı yeri tutur.

Çelestini 2025-ci ilin yayında Moskva klubunun baş məşqçisi təyin edilmişdi. O, Rusiyaya gəlməzdən əvvəl ölkəsində “Lozanna-Sport”, “Luqano”, “Lütsern”, “Syon” və “Bazel”də çalışıb.