Bir neçə gün əvvəl Paulo Dibalanın yayda vətəninə qayıdacağı haqda xəbər yayılmışdı.

"Football-plus.az" xəbər verir ki, vəziyyət dəyişib. “Roma” rəhbərliyi dünya çempionunun gələcəyi ilə bağlı qərar qəbul edib. İnsayder Nikolo Skiranın məlumatına görə, paytaxt təmsilçisi 32 yaşlı hücumçu ilə müqaviləni yeniləməyi planlaşdırır.

Klub Dibalaya müddəti 2027-ci ilin yayına qədər nəzərdə tutulan yeni müqavilə təklif edib. Eyni zamanda, təcrübəli oyunçunun maaşının azaldılması da nəzərdə tutulur.

Bir müddət əvvəl “Boka Xuniors”un argentinalı oyunçu ilə maraqlandığı haqda xəbər yayılmışdı. Paulo cari mövsümdə bütün turnirlərdə 24 oyun keçirib, 3 qol vurub və 4 məhsuldar ötürmə edib.