Martin Subimendi yayda klubunu dəyişmək şansına malikdi.

"Football-plus.az" xəbər verir ki, “Arsenal” rəhbərliyi “Real Sosyedad” oyunçusunu transfer etməyə hazırlaşır.

Tanınmış insayder Fabritsio Romanonun məlumatına görə, artıq tərəflər arasında razılıq əldə olunub və tezliklə transferin açıqlanacağı gözlənilir. Bir müddət əvvəl mətbuatda ispaniyalı yarımmüdafiəçi ilə “Real” və “Mançester Siti”nin də maraqlandığı haqda xəbər yayılmışdı.

Martin bu mövsüm bütün yarışlarda 44 oyun keçirib, 2 qol vurub və 2 məhsuldar ötürmə edib.

Futbolçunun klubu ilə müqaviləsinin müddəti 2027-ci ilin yayına qədər nəzərdə tutulub.