Son 16 çempionat oyununda məğlubiyyət tanımayan “Şaxtyor”un seriyasının əzəli rəqiblə oyunda qırılacağını güman edənlərin sayı çox idi. Ancaq “Dinamo” 13-cü dəqiqədə Ponomarenkonun gözəl qolu ilə hesabı açandan sonra dayandı. 2-ci hissədə oyunun axarı kəskin şəkildə dəyişdi, “Şaxtyor” daha kəskin hücumlar qurmağa başladı. Nəticədə iki qol vuran donetsklilər ən yaxın rəqibi LNZ ilə xal fərqini 10-a çatdırdı. Arda Turanın komandası artıq növbəti tur çempionluğu rəsmiləşdirə bilər.

Liderin ən yaxın izləyicisi LNZ səfərdə “Karpatı”nın müqavimətini qıra bilmədi. Lvovluların qapıçısı Nazar Domçak ardıcıl 7-ci oyunda qol buraxmadı. Avrokuboklara vəsiqə uğrunda mübarizə aparan “Metallist 1925” evdə “Polesye”yə uduzmaqla ağır zərbə aldı. Çox güman, məhz jitomirlilər bu yay qitə kuboklarında çıxış edəcək.

Turun iki oyunu 3:3 bitdi. Bu hesab həm “Poltava” – “Krivbass”, həm də “Veres” – “Episentr” oyunlarında qeydə alındı. Səfərdə “Aleksandriya”nı darmadağın edən “Kolos” bu komandanı aşağı dəstəyə bir addım da yaxınlaşdırdı. “Obolon” – “Kudrovka” oyununda qalib müəyyənləşmədi. Turun dünən keçirilən son oyununda “Zarya” “Rux”a qalib gəldi.

26-cı tur
Dinamo – Şaxtyor 1:2
Ponomarenko, 13 – Ferreyra, 50. Traore, 68.
Dinamo: Neşeret, Vivçarenko, Karavayev, Mixavko, Belovar, Yarmolenko (Yatsık, 70), Buyalski (Şola, 70), Reduşko (Gerrero, 84), Mixaylenko (Pixalenok, 76), Şaparenko (Dubinçak, 84), Ponomarenko.
Şaxtyor: Riznık, Qram, Matviyenko, Marlon (Vinisius, 27), Azarov (Pedro Enrike, 76), Bondarenko (Oçeretko, 63), Nazarina (Krıskiv, 46), Neverton (Prosper, 46), Ferrayra, İzaki, Traore.

Karpatı – LNZ 0:0
Metallist-1925 – Polesye 0:1
Braqaru, 20.

Poltava – Krivbass 3:3
Kotsyumaka, 8. Suxoruçko, 11. Sad, 16 – Parako, 2. Sek, 7. Lin, 85.

Veres – Episentr 3:3
Boyko, 50. Ndukve, 54. Sipot, 87 – Sıdun, 5; 56. Mironyuk, 7.

Aleksandriya – Kolos 0:3
Denisenko, 24. Demçenko, 40. Zaxarkiv, 87.

Obolon – Kudrovka 1:1
Poleqenko, 23 – Veklyak, 90+2.

Rux – Zarya 1:2
Neves, 21 – Popara, 60. Budkivski, 85.

1. Şaxtyor 26 19 6 1 61-17 63
2. LNZ 26 16 5 5 36-16 53
3. Polesye 26 16 4 6 45-17 52
4. Dinamo 26 14 5 7 59-33 47
5. Metallist 1925 26 12 9 5 31-15 45
6. Kolos 26 11 10 5 27-21 43
7. Krivbass 26 11 8 7 46-41 41
8. Zarya 26 10 8 8 37-33 38
9. Karpatı 26 9 10 7 35-26 37
10. Veres 26 7 9 10 25-34 30
11. Episentr 26 7 5 14 30-40 26
12. Obolon 25 5 9 11 20-43 24
13. Kudrovka 26 5 7 14 27-43 22
14. Rux 26 6 2 18 18-44 20
15. Aleksandriya 25 2 7 16 18-49 13
16. Poltava 26 2 6 18 23-66 12

Bombardirlər: Ponomarenko (Dinamo) - 12, Budkovski (Zarya), Mendosa (Krivbass) - 10.

Növbəti turun oyunları mayın 8-10-u aralığında keçiriləcək: Krivbass – Karpatı, Rux – Veres, Kolos – Kudrovka, LNZ – Dinamo, Obolon – Episentr, Poltava – Şaxtyor, Polesye – Aleksandriya, Zarya – Metallist 1925.