Ukrayna çempionatında 14-cü turun əsas özəlliyi qolsuz heç-heçələrin çoxluğudu.

"Football-plus.az" xəbər verir ki, 8 oyundan üçündə qapılara qol vurulmadı. “Veres” – “Karpatı”, “Episentr” – “Metallist 1925” oyunlarında qeydə alınan qolsuz heç-heçələr öz yerində.

Daha bir maraqlı məqam odu ki, “Obolon”la “Kolos” 0:0-dan başqa hesab tanımır. Komandalar premyer-liqada 5-ci dəfə qarşılaşdı və yenə qapılar toxunulmaz qaldı.

“Zarya”nı məğlub edən “Polesye” ilk “3-lük”də yerini qorudu. LNZ cari mövsümdə 6-cı dəfə 1:0 hesablı qələbə qazandı. “Kudrovka” isə səfərdə bir xal da qazanmayıb. Ardıcıl 2-ci qələbəsini “Aleksandriya” ilə oyunda qazanan “Rux” turnir vəziyyətini bir qədər yaxşılaşdırdı.

Ukrayna futbolunun nəhəngləri meydana çıxdı. Yeni baş məşqçi İqor Kostyukun rəhbərliyi altında oynayan “Dinamo” ardıcıl 4-cü məğlubiyyətlə barışdı. Özü də elitanın debütantı, aşkar autsayderi “Poltava”ya! “Krivbass”la qarşılaşan “Şaxtyor” da xal itirdi, daha doğrusu, uzatma dəqiqələrində məğlubiyyətdən qurtuldu.

14-cü tur
Dinamo – Poltava 1:2
Yatsık, 79 – Odaryuk, 45. Misyura, 73.
Dinamo: Neşeret, Popov (Zaxarçenko, 68), Tımçik (Karavayev, 63), Mixavko, Dubinçak, Pixalenok (Yatsık, 78), Voloşin, Buyalski, Mixaylenko, Kabayev (Reduşko, 78), Gerrero.

Şaxtyor – Krivbass 2:2
Oçeretko, 38. Eginaldo, 90+6 – Zaderaka, 13. Vilivald, 40.
Şaxtyor: Fesyun, Pedro Enrike, Matviyenko, Marlon, Bondar, Konoplya (Vinisius, 80), Bondarenko (İzaki, 63), Oçeretko (Krıskiv, 63), Eginaldo, Neverton, Meyrelles (Elias, 63).

Polesye – Zarya 2:0
Qutsulyak, 33. Nazarenko, 90+3.

LNZ – Kudrovka 1:0
Assinor, 37.

Aleksandriya – Rux 0:1
Vit, 21.

Obolon – Kolos 0:0

Veres – Karpatı 0:0

Episentr – Metallist 1925 0:0

1. Şaxtyor 14 9 4 1 37-12 31
2. LNZ 14 9 2 3 15-8 29
3. Polesye 14 8 3 3 23-8 27
4. Kolos 14 6 5 3 16-12 23
5. Krivbass 14 6 4 4 24-23 22
6. Metallist 1925 14 5 6 3 15-11 21
7. Dinamo 14 5 5 4 30-20 20
8. Zarya 14 5 5 4 18-16 20
9. Karpatı 14 4 7 3 18-17 19
10. Veres 14 4 6 4 13-14 18
11. Obolon 14 4 5 5 11-21 17
12. Kudrovka 14 4 2 8 17-27 14
13. Rux 14 4 1 9 12-22 13
14. Episentr 14 3 2 9 15-22 11
15. Aleksandriya 14 2 4 7 13-24 10
16. Poltava 14 2 3 9 13-33 9

Bombardirlər: Prosper (LNZ), Klimçuk (Kolos) – 7, Budkovski (Zarya), Qayduçik (Polesye) – 6.

Növbəti turun oyunları dekabrın 5-7-si aralığında keçiriləcək: Zarya – Karpatı, LNZ – Obolon, Kolos – Şaxtyor, Poltava – Episentr, Kudrovka – Dinamo, Krivbass – Aleksandriya, Metallist 1925 – Veres, Rux – Polesye.