Ansu Fati böyük ehtimalla yayda “Barselona”dan birdəfəlik ayrılacaq.

"Football-plus.az" xəbər verir ki, İspaniya klubu gənc futbolçusunu satacaq. “Diaro Sport”un xəbərinə görə, hazırda icarə əsasında “Monako”da çıxış edən hücumçunun Kataloniya klubuna qayıdaraq şans qazanması gözlənilmir. “Barselona” rəhbərliyinin 23 yaşlı futbolçu ilə yolları ayırmaq niyyətində olduğu bildirilib.

Fati Fransada müəyyən irəliləyişə nail olub. Ancaq baş məşqçi Hans-Diter Flik və idman direktoru Deku Souza əsas komandada möhkəmlənmək şansı olmayan futbolçuların heyətdə saxlanılmamasının tərəfdarıdı.

Yeri gəlmişkən, “transfermarkt” portalına görə, ispaniyalı futbolçunun hazırkı bazar dəyəri 15 milyon avroya bərabərdi.