Gözlənildiyi kimi, Ansu Fati “Barselona”dan ayrılır. Artıq onun hara üz tutacağı da məlumdu.

"Football-plus.az"ın məlumatına görə, gənc futbolçu karyerasını Fransada davam etdirəcək.

İnsayder Fabritsio Romanonun yaydığı xəbərə görə, “Monako” 22 yaşlı hücumçunun keçidi ilə bağlı İspaniya klubu iə razılığa gəlib. Bu həftənin sonunda Ansu yeni klubunda tibbi müayinədən keçəcək. İspaniyalı hücumçu “Monako”da icarə əsasında çıxış edəcək. “Knyazlıq klubu” onun maaşının bir hissəsini ödəyəcək. Fatinin “Barselona” ilə müqaviləsinin müddəti 2027-ci ilin yayına qədərdi.

O, son mövsümündə La Liqanın 6 oyununda iştirak edib.

Yeri gəlmişkən, “Barselona” gənc isveçli futbolçu Runi Bardcini transfer etməyə yaxındı. Romanonun məlumatına görə, kataloniyalılar qarşı tərəflə danışıqlarda irəliləyiş əldə edib və futbolçunun klubu “Kopenhagen”lə də prinsipial razılığa gəliblər. Danışıqlar prosesi son mərhələdədi və yaxın günlərdə yekun detalların dəqiqləşdirilməsi gözlənilir. Runi “Barselona”ya iyulda keçə bilər.

Qeyd edək ki, Bardci son mövsümündə çarpaz bağın yırtılması səbəbindən Danimarka yüksək liqasında yalnız 5 oyun keçirib. 2023/24 mövsümündə isə 23 oyuna çıxan futbolçu 7 qol vurub.