Bundesliqa təmsilçisi ''Union'' son həftələrdə diqqət mərkəzindədi. Çünki bu klubu qadın məşqçi çalışdırır.

"Football-plus.az" xəbər verir ki, ''böyük beşlik'' tarixinin ilk qadın məşqçisi Mari-Luize Etanın paytaxt təmsilçisində işləri heç də qaydasında getmir.

Onun başçılığı altında debüt oyununda son 13 turda qələbəsi olmayan ''Volfsburq''a uduzan ''Union'' ikinci oyunda da uduzdu! Bu dəfə berlinlilər səfərdə ''Leyptsiq''ə 1:3 boyun əydilər

Maraqlıdı ki, ''Union'' oyunboyu ''çərçivə''yə yalnız 1 zərbə endirdi və o da qolla nəticələndi. ''Leyptsiq'' isə ''çərçivə''yə 10 zərbə endirdi.

Qələbəsiz seriyası 5 oyuna yüksələn ''Union'' 31 oyuna 32 xal toplayıb. Komanda hələ ki, düşmə təhlükəsi yaşamır.