Bəli, illər, klublar dəyişir, amma Mahir Emrelinin legioner həyatı ilə bağlı süjet həminkidi.

Həmvətənimizin daha bir baş məşqçi ilə arası dəyib. Belə ki, Torsten Liberknextin çalışdırdığı “Kayzerslautern” bir neçə dəqiqə əvvəl 2-ci bundesliqanın 31-ci turu çərçivəsində Braunşveyq “Ayntraxt”ı ilə ev oyununa çıxıb. Qonaqlar artıq 1:0 öndədi. Ola bilər ki, “Kayzerslautern” meydandan qələbə ilə ayrılsın. Amma o qələbəni gətirən qolları Mahir vurmayacaq. Sadəcə, ona görə ki, həmvətənimizin adı nəinki start heyətində, heç ehtiyat oyunçuların siyahısında da yoxdu.

Belə çıxır ki, “Nürnberq” karyerasının ardından Emrelinin “Kayzerslautern” karyerası da uzun sürməyəcək. Adam özünə heç cür yer tapa bilmir də!

ORXAN