“Mahirin məsləhət alan vaxtı keçib (gülür). Futbolçu legioner həyatının necə olduğunu bizdən yaxşı bilir. 17-18 yaşı yoxdu ki, məsləhət verək. Beş mövsümdü legioner həyatı yaşayır, xeyli klubda oynayıb. Hər şeyin necə olduğunu bilir. Bəlkə də bu problemlər xarakteri ilə bağlıdı. Ola bilsin, bu futbolçunu anlayan məşqçi yoxdu. Belə xarakterli futbolçular olur. Məşqçidən fərqli yanaşma gözləyirlər. Məşqçi futbolçunun “dilini tutmalı”, “damarın tapmalıdı”. Məşqçilər Mahir güvən versə, ortaya keyfiyyət qoya bilər. Mahirin nə yaşı var ki?! Keyfiyyəti var. Yaxşı futbolçudu. Bu futbolçunun xarakteri elədi ki, ona spesifik yanaşmaq lazımdı. Mahir bunu tələb edir. Hər məşqçinin hər oyunçuya fərdi yanaşması olmalıdı. Bir az da zaman lazımdı. İndiki klubuna uyğunlaşsa, uğurlu ola bilər. Mahirdə texniki baxımdan hansısa problem yoxdu. Yəqin ki, baş məşqçi qalib heyəti dəyişmək istəmir. Amma iki aydı heç ehtiyat oyunçular skamyasında da yer almaması ciddi həyəcandı, problemdi. Mahir özünü qayıtmalıdı. Futbolçu özü heyətə düşmək üçün, özünü sübut etmək üçün dəridən-qabıqdan çıxmalıdı. Mahirin hazırda uğursuzluğa düçar olmasının səbəbi fərdi yanaşma ilə bağlıdı. Onun başqa hansısa problemi yoxdu”.