“Bizim insanlarımıza, cavanlarımıza nə olub? Biri gedir əlinə silah götürür və 10 nəfəri birdən öldürür. Nə üçün bu duruma düşmüşük? Hər şeyin başında ailə tərbiyəsi və təhsil dayanır. Dövlətimiz güclüdü. Bir xalq olaraq, dövlət rəsmilərindən xahişim budu ki, bu problemə həssas yanaşıb, onu həll etsinlər. Futbola, sadəcə, bir idman növü kimi yanaşmaq düzgün deyil. Futbol həm də sosial bir olaydı. Uşaqları 5-6 yaşdan etibarən kollektiv yaşam tərzinə, bəzi şeyləri paylaşmağa və intizama alışdırmaq lazımdı. Ailələrə ən böyük məsləhətim budu ki, uşaqlarınızı komanda idman növlərinə yönəldin. Onları küçə həyatından, küçələrdə yaşanan təhlükələrdən qorumağın əsas yolu məhz budu. Həmişəki kimi futbolumuzda yenə böyük pullar dolaşır. Təsəvvür edin, “Fənərbaxça” və “Qalatasaray”ın heyətinin dəyəri 300 milyon avrodan çoxdu. Amma bu qədər xərclənilən pulun qarşılığında temp baxımından hələ də premyer-liqaya heç yaxın da düşə bilmirik. Çünki komandalar qələbəni oyunla yox, oyunçu ilə əldə etməyə can atırlar. Sistem elə qurulub ki, istedadlı gənclərimiz ola-ola, əcnəbilərə yönəlirik, yalnız onların qarınlarını doyuzdururuq. Almaniyadan yetişib gələn oyunçular olmasaydı, Türkiyə futbolu çoxdan batmışdı. Oyunlara getmək üçün elektron bilet məndə də var. Amma böyük klubların oyunlarında stadiona daxil ola bilmirəm. Təsəvvür edin, Yılmaz Vural Türkiyədə “Qalatasaray”, “Fənərbaxça” və “Beşiktaş”ın oyunlarını izləyə bilmir. Qapıda kimdənsə xahiş edəndən sonra minnətlə məni içəri buraxırlar. Tanımasalar, heç stadiona da buraxmazlar. “Barselona”nın, “Real”ın oyununu izləmək üçün onlarla əlaqə saxladıqda mənə xüsusi olaraq yer ayırırlar. Amma öz ölkəmizdə bizə dəyər verilmir. Bu qədər hörmətizlik olar? Bu mövsüm istefaya göndərilən məşqçilərin sayı 23-ə çatıb. Bütün günahlar həqiqətənmi baş məşçilərdədi? Öz dərnəyimiz, yəni Türkiyə Baş Məşqçilər Dərnəyi seminarlar keçirməkdən başqa bir işə yaramır. Baş məşqçilərin hüquqlarını bu ölkədə heç kim qorumur. Dərnək 23 ildi yaradılıb. Yalandan orda oturublar. Heç bir faydası da yoxdu. Mən bir futbol adamı olaraq, çempionluq yarışında filan komandanın yüz faiz çempion olacağını deyə bilmərəm. “Fənərbaxça” çempion olmaq istəyirsə, təbii ki, hər kəsi yenməlidi. “Qalatasaray”ın hər uğursuzluğunda Okan Buruk qardaşımızı yerdən yerə vururlar. Halbuki neçə ildi çempion olur. Avropa arenasında da bir çox nəhəng klubları məğlub etdi. Ona qarşı edilənlər ayıb və haqsızlıqdı. Heç kim ona sahib çıxmır”.