Xose Bordalas qeyri-adi vəziyyətə düşüb.

"Football-plus.az" xəbər verir ki, İspaniya La Liqasında evdə “Barselona”ya 0:2 hesabı ilə uduzan “Xetafe”nin baş məşqçisi matçdan sonrakı mətbuat konfransında iştirak edə bilməyib. Klubun mətbuat katibinin jurnalistlərə verdiyi məlumata görə, ispaniyalı mütəxəssis oyun zamanı səsini tamamilə itirdiyi üçün media nümayəndələrinin qarşısına çıxa bilməyib.

“Xetafe” hazırda İspaniya çempionatının turnir cədvəlində 33 oyuna 44 xalla 6-cı yeri tutur. Səfərdə qazandığı qələbə sayəsində xalını 85-ə artıran “Barselona” isə əsas izləyicisi “Real”ı 11 xal qabaqlayır.