''Xarici klublara icarəyə göndərdiyimiz bəzi futbolçularla yollarımızı ayıracağıq. Muçinin icarə müddəti mayın 10-da başa çatacaq. Semih Kılıçsoyda da səhv etmirəmsə, iyunun əvvəllərində bitir. İnşallah icarədə oynadıqları klublar onları daimi əsasda transfer etməzlər. Çünki onların satışından əldə edəcəyimiz pula səviyyəli oyunçular tapmaq çətin olacaq. Həmin klublarla endirim barədə danışıqlarımız olmayıb. Yayda ən azı 5 yeni güclü transfer həyata keçirəcəyik. Onlardan biri mərkəz yarımmüdafiəçisi olacaq. Fernandeş bildiyimə görə Rusiyada xoşbəxtdi. ''Spartak''ın idman direktoru ilə arada söhbətləşirik. O mənə Fernandeşin xoşbəxt olduğunu deyib. Amma nədənsə, bu məsələ az qala hər həftə gündəmə gəlir. Halbuki Fernandeşin orda heç bir problemi yoxdu və kifayət qədər də yaxşı oynayır. Onu mən də təqib edirəm. Bu xəbərlər çıxan kimi düşünürəm ki, bəlkə orda nəsə problemi var. ''Spartak''ın məşqçilər korpusunda bir türk məşqçi də var. Onunla da danışırıq. O da Fernandeşin probleminin olmadığını deyir''.