''Mən adətən dedi-qodular haqda danışmağı xoşlamıram. Ancaq yaranmış bu vəziyyətdə həqiqətləri bir daha konkret şəkildə dilə gətirmək önəmlidi. Hakan Çalhanoğlunun 2027-ci ilə qədər müqaviləsi var. O, həm İtaliyada, həm də ''İnter''də xoşbəxtdi. ''Qalatasaray''a transferi ilə bağlı şayiələr keçmişdən bu yana hər zaman olub. İndi də var. Ancaq reallıq budu ki, ''Qalatasaray'' rəsmiləri ilə nə ötən yay görüşümüz olmuşdu, nə də bu qış görüşümüz oldu. Ümumiyyətlə, indiyə qədər onlardan heç vaxt konkret və rəsmi bir təklif olmayıb. Hakan indi ''İnter'' ilə mövsümün sonunu uğurlu şəkildə keçirməyə köklənib. Çempionluq yarışını uğurla başa vurmağı planlaşdırır. İstəkli və məsuliyyətli oyunu ilə səviyyəsini, eləcə də komandası üçün nə qədər önəmli futbolçu olduğunu göstərməkdə davam edir. Eyni zamanda qarşıdan gələn dünya çempionatına da böyük bir qürur və qərarlılıqla hazırlaşır. Belə bir turnirdə ölkəsinin kapitan sarğısını daşımaq onun üçün ikiqat qürur olacaq. Bu, onun üçün böyük məna kəsb edir''.