"Pumas"da çıxış edən "Qarabağ"ın sabiq futbolçusu Juninyo Meksika klubunda növbəti qolunu vurub.

"Football-plus.az" xəbər verir ki, braziliyalı hücumçu 14-cü turda "Mazatlan"la keçirilən görüşdə fərqlənib.

O, 3:1 hesabı ilə qalib gəldikləri matçda komandasının 2-ci qolunu vurub. Bu, onun yanvar ayından çıxış etdiyi "Pumas"da 14-cü oyununda 6-cı qoludur. 29 yaşlı forvard bu müddətdə 3 qol ötürməsi də edib.

Hazırda "Pumas" 27 xalla 4-cü pillədədi.