''Hər nə qədər qələbə üçün alışıb yansaq da, bu matçın favoritinin Türkiyə olduğunu etiraf etməliyik. Təcrübə, oyunçuların fərdi keyfiyyətləri və oynadıqları klubların səviyyələri onları favorit edən əsas məqamlardı. Ancaq biz də uğura acıq və ölkəmizi təmsil etməkdən qürur duyuruq. Bu üzdən öz səviyyəmizə və tarix yazmaq şansımıza inanaraq matçı səbirsizliklə gözləyirik. Onları yaxşı analiz etmişik. Məşqçilər korpusu bizə lazım olan məqamları anladıb. Özümüzə və iradəmizə güvənirik. Bizim əsas gücümüz komanda şəklində güclü olmağımızdadı. Artıq bizim zamanımızın yetişdiyini hiss edirik. Bura qədər gələrkən çətin görünən bir çox şeyi bacarmışıq. Ona görə də üzərimizdə heç bir təzyiq hiss etmirik. Sadəcə bu anın dadını çıxarmağa çalışırıq. Mənim üçün də çox özəl bir qarşılaşma olacaq. Çünki 4 ilə yaxındı, Türkiyədəyəm. Sevdiyim ölkədi və hər kəslə münasibətim yaxşıdı. Ailəmlə birlikdə burda çox xoşbəxtəm. İlk gündən özümüzə qarşı yalnız sevgi və hörmət gördüyümüzdən özümüzü evdəki kimi hiss edirik. Amma dediyim kimi öz ölkəmin qazanmasını istəyirəm. Bu, bir futbol oyunudu və ölkəm üçün hər şeyimi verməyə hazıram. Önümüzdə sonuncu və ən çətin bir addım qalıb. Finalda nəticə nə olursa olsun, biz millətimizə artıq qürur yaşatmışıq. Onlar kosovolu olmaları ilə fəxr edirlər. Bu, hər şeydən üstün olan bir duyğudu. İndiyə qədər ortaya qoyduğumuz performans və komanda ruhu ilə qürur duya bilərik''.