''Leroy Sane kimi oyunçuların gəlişi Türkiyə futbolundakı coşqunu bir qədər də artırır. Çox dəyərli bir transferdi. Ola bilər ki, Türkiyə çempionatı Avropada ən nüfuzlu birinciliklərdən sayılmır. Ancaq belə oyunçuların gəlişi sözsüz, çempionatı inkişaf etdirir. Bu transfer ''Qalatasaray''ın Çempionlar Liqasında da güclü rəqiblərlə rəqabət aparmaq istədiyini göstərir. ''Qalatasaray'' və ''Fənərbaxça'' bundesliqada da rahat şəkildə oynaya bilərlər. Ancaq onların 34 turluq marafonun yekununda neçənci pillədə qərarlaşacaqlarını söyləmək çətindi. Fərdi cəhətdən çox yaxşı oyunçulara malikdilər. Amma Türkiyə təmsilçiləri ötən mövsüm avrokuboklarda istənilən nəticələri əldə edə bilmədilər. Bu da Avropada işlərin yaxşı şəkildə irəliləmədiyini göstərir. ''Qalatasaray''ın heyəti səviyyəlidi. Sanenin gəlişi ilə daha da gücləndilər. Ancaq həm ''Qalatasaray'', həm də ''Fənər''in orta yaş həddi yüksəkdi. Əksər hallarda top-çempionatlarda artıq bir işə yaramayan ulduzlar gətirirlər. Mən bu vəzifəyə gələrkən, qarşıma ''Samsunspor''u elitada saxlamaq hədəfi qoyulmuşdu. Ancaq biz çox mühüm bir yüksəlişə nail olduq. ''Trabzonspor'' və ''Beşiktaş'' kimi güclü rəqibləri üstələyərək 3-cü olduq. Gələn mövsüm bu uğuru təkrarlamaq çətin olacaq. Çox güman, bu dəfə nisbətən aşağı pillələrdə qərarlaşacağın. Amma digər tərəfdən hər birimiz avrokubok macəramızın startını səbirsizliklə gözləyirik. Bu, mənim üçün tamamilə yeni bir təcrübə olacaq. Özü də biz avrokuboklara vəsiqəni heç bir oyunçu almadan qazandıq. Çünki kluba transfer cəzası verilmişdi. Bu qadağa artıq aradan qalxıb. Ancaq qarşıdakı mövsümü ilk ''5-lik''də, yoxsa ilk ''10-luq''da bitirəcəyimizi indidən söyləyə bilmərəm''.