''Beşiktaş'' Qabriel Paulistanın ardından daha bir futbolçunu itirib. Milot Raşitsa ağır qrafikə tab gətirə bilməyib.

28 yaşlı vinger bu mövsümün əvvəlindən bu yana ''Beşiktaş''ın heyətində 12, Kosovo yığmasının heyətində 4 oyun olmaqla 16 qarşılaşmanın hamısında iştirak edib. Amma Cənubi Kiprə qarşı son oyun onun üçün şanssız alınıb. Raşitsa ayağında ağrılar hiss etdiyindən artıq 16-cı dəqiqədə əvəzlənməli olub.

Tibbi müayinədən sonra onun əzələsinin dartıldığı məlum olub. Raşitsa bazar günü ''Konyaspor''a, eləcə də gələn həftəiçi Avropa Liqasında ''Lion''a qarşı oyunları buraxmalı olacaq. Onun yerinə sağ vinger mövqeyində yeni transfer Joao Marionun qərarlaşacağı gözlənilir.

ƏLİ