"Fiziki baxımdan bu oyuna tam hazırıq. İkinci məsələ, taktiki məsələdi. Bu baxımdan da qısa müddət ərzində futbolçulara maksimum məlumat ötürməyə çalışdıq. Bircə qalır, mental məsələ. Bu da futbolçuların özlərindən asılıdı. Daim futbolçulara deyirəm ki, özünüzə inanın, hədəflərinizi maksimum qoyun. Sadəcə sözlə yox, bunu əməllə meydançada göstərmək lazımdı. Həmişə səmimiyəm. Deyə bilərəm ki, bizim əsas məqsədimiz oyunçularımızı əsas milliyə hazırlamaqdı. Çünki bura U-21 yığmasıdı. Çox vacib məsələ odu ki, oyunçular pozitiv təcrübə alsınlar və növbəti addımı atanda, onlar mental olaraq qələbələrə hazır olsunlar. Fərqi yoxdu, biz Portuqaliyaya qarşı oynayırıq, yoxsa başqa milliyə. Heç bir rəqib qələbəni bizdən çox istəyə bilməz".

"Prioritet əsas millidi. Biz də oyunçuları ora üçün hazırlayırıq. Əlbəttə ki, Xəyal bizim üçün çox önəmli futbolçudu. Görürsüz ki, bizdə hücumda bəzi problemlər var idi. Ağadadaş Salyanski çox az oynayır. Bəzi oyunçuları başqa mövqelərdə oynatmaq məcburiyyətindəyik".