Cüdoçumuz Hidayət Heydərov (73 kq) Gürcüstanın paytaxtı Tbilisidə keçirilən "Böyük Dəbilqə" turnirində bürünc medal qazanıb.

"Football-plus.az" xəbər verir ki, o, təsəlliverici qarşılaşmada Gürcüstanı təmsilçisi Giorgi Teraşviliyə qalib gəlib və bürünc medal uğrunda görüşdə iştirak etmək hüququ qazanıb. Cüdoçumuz üçüncü yer uğrunda qarşılaşmada isə İspaniyanı təmsil edən Anton Şuxaliyevə qalib gələrək bürünc medala sahib çıxıb.

Digər təmsilçilərimizdən bu gün tatami üzərinə çıxan Kamran Süleymanov (73 kq), Südabə Ağayeva və Aytac Qardaşxanlı (hər ikisi 70 kq) yarışı mükafatsız başa vurublar.