Tur “Bavariya”nın Münhenqladbax “Borussiya”sı üzərində asan qələbəsi ilə start götürdü.

"Football-plus.az" xəbər verir ki, zədəli Keyn bu mövsüm ilk dəfə komandasına yardım edə bilməsə də, Münhen nəhəngi rəqibini darmadağın etdi. “Rekordmayster” bu mövsüm 11-ci dəfə bir oyunda ən azı 4 qol vurdu və ümumilikdə 92 qola çataraq 25-ci turlar üçün məhsuldarlıq rekordunu yenilədi.

Şənbə gününün qarşılaşmaları da yetərincə məhsuldar alındı. Bu mövsüm “Bavariya”dan başqa heç kimə uduzmayan Dortmund “Borussiya”sı çətinliklə də olsa, Kölnü fəth etməyi bacardı. Ədalət naminə “keçilər”in ilk yarının sonlarından etibarən azlıqda oynadıqlarını bildirək. “Arılar”ın bundesliqada səfərdəki məğlubiyyətsiz seriyası 9 oyuna yüksəldi. Günün və turun ən məhsuldar oyunu Frayburqda baş tutdu. İki dəfə hesabda geri düşən “Bayer-04” əzmkarlıq nümayiş etdirərək hətta qələbə qazanmağa da yaxın idi. Amma “Frayburq” son anlarda məğlubiyyətdən qurtulmağı bacardı. Qrimaldo bu mövsüm bütün turnirləri nəzər almaqla cərimə zərbəsindən 5-ci qolunu vurdu. O, “Liverpul”lu Soboslaini (4) geridə qoyaraq 2025/26-da “böyük beşlik”də cərimə zərbələrindən ən çox qol vuran futbolçuya çevrildi.

3-cü pillədə qərarlaşan “Hoffenhaym” ötən tur evdə “Sankt Pauli” ilə oyundakı sürpriz məğlubiyyətin əvəzini “Haydenhaym”dan çıxdı. 4-cü pillədə qərarlaşan “Ştutqart” Mayntsda mühüm xallar itirdi. Fasiləyə geridə yollanan şvabiyalılar 2-ci hissədə əzmkarlıq nümayiş etdirsələr də, Da Kosta “karnavalçılar”ı məğlubiyyətdən xilas etdi. Bu nəticə ən çox “Leyptsiq”i sevindirdi. “Öküzlər” də “Aqusburq”la ev oyununda 2-ci hissədə geridönüş etdilər və qələbəni əldən verməyərək xal hesabında “Ştutqart”ı yaxaladılar. “Volfsburq” sözün əsl mənasında batmaqda davam edir. “Canavarlar” bu dəfə evdə debütant “Hamburq”a uduzdular. Xilasedici 15-ci pillə ilə xal fərqi 4-ə yüksəldi! Rəhbərliyin səbr kasası daşdı və baş məşqçi Daniel Bauer ilə idman direktoru Peter Kristensen qovuldu. Halbuki Bauer bu vəzifəyə mövsümün gedişində - dekabrda gətirilmişdi. “Volfsburq”u bataqlıqdan çıxarmaq məsuliyyətini klubun sabiq çalışdırıcısı Diter Hekkinq üzərinə götürüb. “Canavarlar” son titullarını – 2016-da ölkə kubokunu və superkubokunu məhz bu məşqçi ilə qazanıb.

“Ayntraxt” səfərdə “Sankt Pauli”nin müqaviməyini qıra bilmədi. “Union”u gözlənilmədən darmadağın edən “Verder” sentyabrın ortalarından bəri səfərdə ilk qələbəsini qazandı. Düzdü, paytaxt təmsilçisinin 19-cu dəqiqədən etibarən azlıqda oynadığını da bildirək.

25-cü tur
Bavariya – Borussiya M 4:1
Dias, 33. Laymer, 45+1. Musiala, 57-p. Cekson, 79 – Mohya, 89. (75000)
Bavariya: Noyer (Urbiq, 46), Laymer (Kardoso, 61), Upamekano (Stanişiç, 61), Kim Min Ce, Bişof, Kimmix (Dayber, 81), Qoretska, Karl, Musiala, Dias (Gerreyro, 61), Cekson.

Köln – Borussiya D 1:2
Kaminski, 88 – Girassi, 16. Bayer, 60. (50000)
Borussiya: Kobel, Ryuyerson (Kouto, 61), Anton, Şlotterbek, Bensebayni (Zyule, 82), Svensson, Zabitser, Nmeça (Bellingem, 90+1), Bayer (Adeyemi, 82), Brandt, Girassi (F.Silva, 61).

Frayburq – Bayer-04 3:3
Qrifo, 34. Sudzuki, 43. Ginter, 86 – Kofane, 37. Qrimaldo, 45+3. Terrye, 52. (34100)
Bayer-04: Blasvix, Poku (Ermann, 83), Kuansa, Andrix, Tapsoba, Qrimaldo, A.Qarsiya, Fernandes (Palasios, 82), Terrye (Kalbret, 75), Maza (Tillman, 66), Kofane.

Sankt Pauli – Ayntraxt F 0:0
(29546)
Ayntraxt: Setterer, Braun, Amenda, Kox, Kollinz, Larsson, Höylunn (Doan, 66), Çaibi (Arrhov, 87), Kalimuendo (Amaimuni, 83), Bahoya, Burkardt.

Maynts-05 – Ştutqart 2:2
Li Ce Sun, 39. Da Kosta, 90+1 – Demiroviç, 76. Dəniz Undav, 77. (33305)
Ştutqart: Nübel, Assinyon (Narti, 75), Jak (Yeltş, 75), Şabo, Mittelştadt (Hendriks, 84), Ştiller, A.Karazor, Levelinq, Fürix (Tomas, 75), Demiroviç, Dəniz Undav (Arevalo, 84).

Leyptsiq – Auqsburq 2:1
Diomande, 76. Çaves, 90+2-öz qapısına – Fellhauer, 39. (41563)
Leyptsiq: Vandervoordt, Baku (Henrixs, 74), Orban, Lukeba, Raum, Zayvald, Baumqartner, Qruda (Banzuzi, 61), Diomande (Qomis, 75), Nusa (Bakayoko, 61), Romulo (Harder, 74).

Haydenhaym – Hoffenhaym 2:4
Kerber, 63; 84 – Prass, 26; 45+1. Asllani, 49. Lemperle, 78. (15000)

Volfsburq – Hamburq 1:2
Eriksen, 22-p. – Vuşkoviç, 33-p. Dompe, 58-p. (28917)

Union – Verder 1:4
Kön, 18-p. – Deman, 31. Staqe, 36. Qrüll, 66. Çoviç, 90+4. (22012)

1. Bavariya 25 21 3 1 92-24 66
2. Borussiya D 25 16 7 2 55-26 55
3. Hoffenhaym 25 15 4 6 53-33 49
4. Ştutqart 25 14 5 6 50-34 47
5. Leyptsiq 25 14 5 6 48-34 47
6. Bayer-04 25 13 5 7 48-32 44
7. Ayntraxt F 25 9 8 8 48-49 35
8. Frayburq 25 9 7 9 37-42 34
9. Auqsburq 25 9 4 12 31-43 31
10. Hamburq 25 7 8 10 28-36 29
11. Union 25 7 7 11 30-42 28
12. Borussiya M 25 6 7 12 28-43 25
13. Verder 25 6 7 12 29-45 25
14. Köln 25 6 6 13 34-43 24
15. Maynts-05 25 5 9 11 29-41 24
16. Sankt Pauli 25 6 6 13 23-40 24
17. Volfsburq 25 5 5 15 34-55 20
18. Haydenhaym 25 3 5 17 24-57 14

Bombardirlər: Keyn (Bavariya) – 30, Dəniz Undav (Ştutqart) – 15, Dias (Bavariya) – 14, Girassi (Borussiya D) – 12, Tabakoviç (Borussiya M) – 11.

Turun rəqəmi
9 – “Ştutqart”lı Dəniz Undav Maynts səfərində qol və məhsuldar ötürmə ilə fərqləndi. O, bunu şvabiyalıların heyətində bundesliqa çərçivəsində ümumilikdə 9-cu dəfə bacardı. Bu, XXI əsrdə klub rekordunun təkrarlanması deməkdi. Buna qədər 2000-ci ildən bəri “Ştutqart”ın heyətində 9 bundesliqa matçında hesabına həm qol, həm də məhsuldar ötürmə yazan yeganə futbolçu Mario Qomes idi.

Turun ulduzu
Luis Dias (Bavariya) – Keynin yoxluğunda liderlik funksiyasını məhz kolumbiyalı vinger öz üzərinə götürdü. Dias hələ ilk yarıda qol və məhsuldar ötürmə ilə fərqləndi. Bundesliqada ilk mövsümünü keçirməsinə baxmayaraq, o artıq 25 qolun vurulmasında yaxından iştirak edib (14+11). Maraqlıdı ki, bu mövsüm “böyük beşlik”də sırf çempionat matçlarında ən azı 25 qolun vurulmasında yaxından iştirak edən cəmi 5 futbolçu var və onlardan üçü “Bavariya”da top qovur! O biri futbolçular Keyn (30+5) və Olisedi (10+16).

Turun sitatı
Vensan Kompani, “Bavariya”nın baş məşqçisi: