Tur Volfsburqdakı məhsuldar heç-heçə ilə start götürdü.

“Canavarlar” əzmkar qələbə qazanmağa yaxın olsalar da, debütant “Holştayn” məğlubiyyətdən qurtulmağı bacardı.
Ümumiyyətlə, 2:2 bu turun ən məşhur hesabı oldu. 9 görüşün dördündə məhz bu nəticə qeydə alındı.

Ötən mövsümün startından bəri “Bayer-04” ilə “Leyptsiq”in oyunları məhsuldar və gərgin alınır. Budəfəki qarşılaşma da istisna olmadı və “öküzlər” yenə son çempionla oyunda geridönüş etdilər. İlk dövrədə Leverkuzendəki oyunda “Leyptsiq” 0:2-dən dönərək tarixi qələbə qazanmış və “Bayer-04”ün bundesliqada məğlubiyyətsiz seriyasına son qoymuşdu. “Leyptsiq” yenə bu rəqibə qarşı 0:2-dən geri dönməyi bacardı. Düzdü, qalib gəlmək mümkün olmadı. Amma istənilən halda Xabi Alonsonun komandasının bundesliqadakı 8 oyunluq seriyası qırıldı və son çempion çox mühüm xallar itirdi.

“Bavariya” çətinliklə də olsa, bu fürsətdən yararlanaraq xal fərqini artırdı. Münhen nəhəngi Frayburq səfərində parlaq oyun nümayiş etdirməsə də, hesabına 3 xal yazmağı bacardı. Keynin hesabı açdığı epizodda ona məhsuldar ötürməni Dayer verdi. Bundesliqada XXI əsrdə ilk dəfə bir komandanın vurduğu qol ingiltərəli futbolçular tərəfindən təşkil olundu! Beləliklə, 20-ci tur xal fərqinin 4-dən 6-ya yüksəlməsi ilə əlamətdar oldu.

Tərəflərin hərəyə iki qol vurduğu daha bir oyun Dortmundda keçirildi. Nuri Şahinlə vidalaşan “Borussiya” “Verder”lə oyuna Mayk Tullberqin başçılığı altında çıxmışdı. Danimarkalı mütəxəssis ÇL-də “Şaxtyor”la oyunda da komandanın başında olacaq. “Borussiya” iki topluq üstünlüyü qoruya bilməyərək yenə fanatlarını məyus etdi. ÇL-in son finalçısının son 10 rəsmi oyunda yalnız bir qələbəsi var! Amma ədalət naminə Niko Şlotterbekin 21-ci dəqiqədə aldığı qırmızı vərəqədən sonra “arılar”ın uzun müddət azlıqda oynadığını da bildirək.

Nikodan fərqli onun qardaşı Kevin Şlotterbek bu tur qəhrəmana çevrildi. Məhz onun son saniyələrdəki qolu “Auqsburq”a “Haydenhaym” üzərində qələbə qazandırdı. “Ştutqart”ın 4 oyunluq qələbə seriyası əla mövsüm keçirən “Maynts-05”lə oyunda bitdi. Evdə ardıcıl 5-ci qələbəni qazanan “karnavalçılar”ı “ÇL zonası”ndan cəmi 1 xal ayırır! Marmuş ayrılandan sonra “Ayntraxt”ı indi də Ekitike “çiynində daşıyır”. Amma 22 yaşlı fransalı forvardın dublu “Hoffenhaym”la səfər oyununda qələbə üçün kifayət etmədi. Münhenqladbax “Borussiya”sı bu mövsüm səfərdə qələbəsi olmayan autsayder “Bohum”u asanlıqla 3:0 yendisə, “Union” gözlənilmədən eyni hesablda səfərdə debütant “Sankt Pauli”yə boyun əydi. Paytaxt təmsilçisi Şteffen Baumqartın başçılığı altında keçirdiyi 4-cü oyunda 3-cü dəfə uduzdu.

19-cu tur
Frayburq – Bavariya 1:2
Ginter, 68 – Keyn, 15. Kim Min Ce, 54. (34700)
Bavariya: Noyer, Kimmix, Dayer, Kim Min Ce, Gerreyro (Palyinya, 83), Pavloviç, Qoretska (Stanişiç, 41), Sane (Olise, 63), Musiala (Müller, 83), Qnabri (Koman, 63), Keyn.

Lеyptsiq – Bayеr-04 2:2
Raum, 41. Tapsoba, 84-öz qapısına – Şik, 18. Qarsiya, 36. (46793)
Leyptsiq: Qulaçi, Klostermann (Baumqartner, 67), V.Orban, Bitşiabu, Raum, Vermeeren (Aydara, 61), Kampl (Zayvald, 51), Nusa (Baku, 67), Simons, Openda (Poulsen, 74), Şeşko.
Bayer-04: Qradetski, Mukiele, Ta, Tapsoba, İnkapye, Caka, Andrix (Palasios, 46), Artur (Frimponq, 65), Virts, Qarsiya, Şik (Tella, 65).

Borussiya D – Verder 2:2
Girassi, 28. Fridl, 51-öz qapısına – Bittenkurt, 64. Dukş, 72. (81365)
Borussiya: Kobel, Ryuyerson, Əmrə Can, Şlotterbek, Bensebayni, Qross, F.Nmeça (Zabitser, 12), Brandt (Anton, 77), Adeyemi (Dyuranvill, 61), Gittens (Bayer, 61), Girassi.

Maynts-05 – Ştutqart 2:0
Vayper, 29. Kasi, 86. (33100)
Ştutqart: Nübel, Vaqnoman, Ruo (Şabo, 87), Əl-Daxil, Mittelştadt (Hendriks, 62), Karazor (Rider, 72), Ştiller, Bruun Larsen (Demiroviç, 72), Fürix (Levelinq, 62), Dəniz Undav, Voltemade.

Hoffеnhaym – Ayntraxt F 2:2
G.Orban, 65. Hlojek, 90+5 – Ekitike, 26-p.; 71. (30000)
Ayntraxt: Trapp, Kristensen, Kollins, Kox, Teate, Knauff (Çandler, 90+3), Skiri, Larsson (Bahoya, 90+3), Götse (Çaibi, 62), Can Uzun (Tuta, 62), Ekitike (Matanoviç, 82).

Borussiya M – Bohum 3:0
Rayts, 34. Hak, 55. Klayndinst, 86. (54042)

Volfsburq – Holştayn 2:2
Vimmer, 50. Vind, 53 – Zets, 13. Skribski, 80. (22103)

Auqsburq – Haydenhaym 2:1
Matsima, 45+1. K.Şlotterbek, 90+2 – Mainka, 76. (30660)

Sankt Pauli – Union 3:0
Gilavogi, 31; 51. Sinani, 90+3. (29500)

1. Bavariya 19 15 3 1 58-16 48
2. Bayer-04 19 12 6 1 46-26 42
3. Ayntraxt F 19 11 4 4 44-26 37
4. Ştutqart 19 9 5 5 36-28 32
5. Leyptsiq 19 9 5 5 34-29 32
6. Maynts-05 19 9 4 6 33-23 31
7. Volfsburq 19 8 4 7 42-34 28
8. Borussiya M 19 8 3 8 30-29 27
9. Verder 19 7 6 6 33-36 27
10. Frayburq 19 8 3 8 26-36 27
11. Borussiya D 19 7 5 7 34-33 26
12. Auqsburq 19 7 4 8 23-34 25
13. Sankt Pauli 19 6 2 11 17-21 20
14. Union 19 5 5 9 16-27 20
15. Hoffenhyaym 19 4 6 9 25-37 18
16. Haydenhaym 19 4 2 13 24-40 14
17. Holştayn 19 3 3 13 28-48 12
18. Bohum 19 2 4 13 17-43 10

Bombardirlər: Keyn (Bavariya) – 17, Marmuş (Ayntraxt F) – 15, Şik (Bayer-04) – 13, Burkardt (Maynts-05) – 12.

Turun rəqəmi
50 – Almaniya futbolunda 10-cu mövsümünü keçirən Qradetski maraqlı rekordları sıralamaqdadı. “Bayer-04”ün təcrübəli finlandiyalı qapıçısı ötən ilin oktyabrında bundesliqada 300 oyun həddinə çatan ilk əcnəbi qapıçıya çevrilmişdi. Bu tur isə Qradetski bundesliqa çərçivəsində iştirak etdiyi ardıcıl 50-ci oyunda məğlub olmadı (39 qələbə, 11 heç-heçə)! O, turnirin tarixində bunu bacaran 1-ci qapıçı və 2-ci futbolçudu. Daha öncə Jerom Boatenq “Bavariya”nın heyətində 2012-14-cü illərdə bundesliqada ardıcıl 56 oyunda məğlubiyyət acısı yaşamamışdı.

Qeyd edək ki, ötən mövsümün startından bəri “Bayer-04”ün bundesliqada uduzduğu yeganə oyunda, yəni bu mövsümün 2-ci turunda “Leyptsiq”lə görüşdə (2:3) qapını Matey Kovarj qorumuşdu.

Turun ulduzu
Morqan Gilavogi (Sankt Pauli) – bu tur 18 komandadan 13-ü ən azı 2 qol vurdu. Amma cəmi iki futbolçu dubl etdi. Almaniyada ilk mövsümünü keçirən debütant “Sankt Pauli”nin fransalı vingeri Gilavogi dublla yanaşı, hesabına məhsuldar ötürmə də yazdı. Ona görə də turun ulduzu adına artıqlamasıyla layiqdi. 26 yaşlı futbolçu bundesliqada həm də ilk dublunu rəsmiləşdirdi.

Turun sitatı
Xabi Alonso, “Bayer-04”ün baş məşqçisi: