Tur “Auqsburq”un “Köln”ü iki cavabsız qolla yenməsi ilə start götürdü. Bavariyalılar son 6-cı turda 5-ci qələbəni bayram etdi.

"Football-plus.az" xəbər verir ki, növbəti oyun gününün ilk qarşılaşmaları məhsuldar keçmədi.

Günün və turun əsas sürprizi Zinshaymda qeydə alındı. 3-cü pillədə qərarlaşan “Hoffenhaym” elitada qalmaq uğrunda çarpışan “Sankt Pauli” ilə ev matçında həm qola, həm də xala həsrət qaldı. Halbuki “kəndçilər” oktyabrın əvvəllərindən bəri evdə uduzmamışdılar. Hamburqlular isə buna qədər mövsümdə yeganə səfər qələbəsini avqustun sonlarında qazanmışdı. Evdə “Union”un müqavimətini son saniyələrdə penaltidən vurduğu qolla qıran Münhenqladbax “Borussiya”sı 7 turluq qələbəsiz seriyaya son qoydu.

“Verder” də, nəhayət, fanatlarını sevindirdi. “Haydenhaym”ı 2 cavabsız qolla yenən “musiqiçilər” noyabrın əvvəllərindən bəri ilk dəfə qalib gəldilər. Qələbəsiz seriya 14-cü oyunda qırıldı. “Bayer-04” ÇL-də 1/8 finala yüksəlməsinə baxmayaraq, bundesliqada xalları sağa-sola paylamaqda davam edir. Bu dəfə Leverkuzen klubu “Maynts-05”lə qarşılaşmada son anlarda məğlubiyyətdən qurtuldu. “Aspirinlər” “ÇL zonası”ndan 6 xal geridə olsalar da, komandanın ehtiyatda bir oyunu var.

Bu tur Almaniyada bütün diqqətlər “Der Klassiker”ə yönəlmişdi. Oyunun Dortmundda keçirilməsinə baxmayaraq, bukmekerlər “Bavariya”nı aşkar favorit sayırdılar. Münhen nəhəngi böyük çətinliklə də olsa, bu statusu doğrulda bildi. Hətta fasiləyə öndə yollanmaq da “Borussiya”ya xal qazanmağa yardım etmədi. 2-ci hissədə Keynin dubluna Svensson cavab versə də, yekun nəticəni Kimmix müəyyənləşdirdi. “Arılar”ın bundesliqada evdə “rekordmayster”ə qarşı qələbəsiz seriyası 7 oyuna çatdı (2 heç-heçə, 5 məğlubiyyət). Komanda çempionatda əzəli rəqibini “sarı divar” önündə sonuncu dəfə 2018-də məğlub edib. Mövsümdə ikinci dəfə uduzan “Borussiya”nın bundesliqada 16 oyunluq məğlubiyyətsiz seriyası qırıldı. “Sarı-qaralar” ilk məğlubiyyəti də “Der Klassiker”də yaşamışdı. Bu nəticə ilə zirvədə xal fərqi 11-ə yüksəldi və çempionluq intriqası birdəfəlik məhv oldu.

Qalan həftələr üçün maraq doğuran məqamlar “Bavariya”nın yeniləyəcəyi rekordlar və çempionluğun hansı turda rəsmiləşəcəyidi.
Bazar günü keçirilən oyunlar favoritlər üçün uğurlu alındı. “Ştutqart” “Volfsburq”u “kötəkləməklə” xal hesabında “Hoffenhaym”a çatdı. Albert Riera “Ayntraxt”ı yavaş-yavaş dirçəldir. Komanda evdə ardıcıl 2-ci oyunda qol buraxmadan qalib gəldi. Evdə “Leyptsiq”ə uduzan debütant “Hamburq”un isə 6 oyunluq məğlubiyyətsiz seriyası qırıldı.

24-cü tur
Borussiya D – Bavariya 2:3
Şlotterbek, 26. Svensson, 83 – Keyn, 54; 70-p. Kimmix, 87. (81365)
Borussiya: Kobel, Kouto, Əmrə Can (Bensebayni, 45+5), Anton, Şlotterbek, Svensson, Zabitser, Nmeça (Bellingem, 75), Adeyemi (Brandt, 75), Bayer (İnasio, 75), F.Silva (Girassi, 67).
Bavariya: Urbiq, Stanişiç, Upamekano, Ta, Laymer (Bişof, 90), Kimmix (Qoretska, 90+2), Pavloviç, Olise (Kim Min Ce, 90+2), Qnabri (Musiala, 62), Dias, Keyn.

Bayer-04 – Maynts-05 1:1
Kuansa, 88 – Bekker, 67. (30210)
Bayer-04: Blasvix, Artur (Tape, 46), Kuansa, Andrix, Tapsoba, Qrimaldo, Palasios (A.Qarsiya, 82), Fernandes (Kofane, 72), Hofmann (Maza, 59), Poku (Terrye, 59), Şik.

Ayntraxt F – Frayburq 2:0
Çaibi, 64. Bahoya, 81. (59500)
Ayntraxt: K.Santos (Setterer, 5), Kollinz, Amenda, Kox, Braun, Larsson (Skiri, 77), Höylunn (Çaibi, 64), Götse (Doan, 63), Kalimuendo, Bahoya, Burkardt (Amaimuni, 77).

Ştutqart – Volfsburq 4:0
Dəniz Undav, 21. Levelinq, 30; 42. Narti, 90+5. (60000)
Ştutqart: Nübel, Levelinq (Assinyon, 77), Yeltş, Jak (Əl-Daxil, 68), Hendriks, Fürix (Tomas, 88), Ştiller, A.Karazor, Əl-Xannus (Arevalo, 88), Demiroviç, Dəniz Undav (Narti, 77).

Hamburq – Leyptsiq 1:2
Vieyra, 22 – Romulo, 36. Diomande, 50-p. (57000)
Leyptsiq: Vandervoordt, Baku, Orban, Lukeba, Raum, Zayvald, Baumqartner, Qruda (Qomis, 72), Diomande (Henrixs, 90+1), Nusa (Banzuzi, 72), Romulo (Harder, 90+5).

Hoffenhaym – Sankt Pauli 0:1
Pereyra Laje, 45+4. (27786)

Borussiya M – Union 1:0
Diks, 90+4-p. (52488)

Verder – Haydenhaym 2:0
Miloşeviç, 57. Berens, 90+7-öz qapısına. (40000)

Auqsburq – Köln 2:0
Ribeyro, 55. Klod-Moris, 90+5. (30660)

1. Bavariya 24 20 3 1 88-23 63
2. Borussiya D 24 15 7 2 51-25 52
3. Hoffenhaym 24 14 4 6 49-31 46
4. Ştutqart 24 14 4 6 48-32 46
5. Leyptsiq 24 13 5 6 46-33 44
6. Bayer-04 23 12 4 7 44-29 40
7. Ayntraxt F 24 9 7 8 48-49 34
8. Frayburq 24 9 6 9 34-39 33
9. Auqsburq 24 9 4 11 30-41 31
10. Union 24 7 7 10 29-38 28
11. Hamburq 23 6 8 9 26-34 26
12. Borussiya M 24 6 7 11 27-39 25
13. Köln 24 6 6 12 33-41 24
14. Maynts-05 24 5 8 11 27-39 23
15. Sankt Pauli 24 6 5 13 23-40 23
16. Verder 24 5 7 12 25-44 22
17. Volfsburq 24 5 5 14 33-53 20
18. Haydenhaym 24 3 5 16 22-53 14

Bombardirlər: Keyn (Bavariya) – 30, Dəniz Undav (Ştutqart) – 14, Dias (Bavariya) – 13, Girassi (Borussiya D), Tabakoviç (Borussiya M) – 11.

Turun rəqəmi
4 – “Bavariya”nın qol maşını Keyn dayanmaq bilmir. “Der Klassiker”də biri penaltidən olmaqla iki qol vuran İngiltərə yığmasının kapitanı ardıcıl 4-cü turda dubl etdi. O, turnirin tarixində ardıcıl 4 oyunda ən azı iki qol vuran 3-cü futbolçuya çevrildi. Maraqlıdı ki, belə göstərici heç Herd Müllər ilə Robert Levandovski kimi bundesliqanın “əjdahalarında” da olmayıb. Daha öncə bunu yalnız 1967-də Dortmund “Borussiya”sının üzvü Lotar Emmerix və 2001-də “Volfsburq”lu Tomislav Mariç bacarıb. Keyn cari “futbol ili”ndə “Bavariya”da 37 rəsmi oyuna 45 qol vurub və Almaniya karyerasında ən məhsuldar mövsümünü keçirir!

Turun ulduzu
Ceymi Levelinq (Ştutqart) – 25 yaşlı futbolçu komandasının bu tur “Volfsburq” üzərində qazandığı parlaq qələbəyə iki qolla töhfə verdi. Levelinq ilk 15 turda cəmi bir dəfə fərqlənmişdisə, bu təqvim ilində onun ayağı açılıb. Ümumiyyətlə, şvabiyalılarla bağlı bir məqam diqqəti cəlb edir. Həm Dəniz Undav, həm də Levelinq 2026-cı ildə bundesliqada hərəyə ən azı 6 qol vurub. Hazırda “böyük beşlik”də bu təqvim ilində çempionatda iki fərqi futbolçusu 6 qol həddinə çatan başqa klub yoxdu!

Turun sitatı
Niko Kovaç, Dortmund “Borussiya”sının baş məşqçisi: