Bizon ölkə kubokunun 1/4 final mərhələsinin cavab oyununda da “Turan Tovuz” “Kəpəz”ə qalib gəldi - 2:0.

“Football-plus.az” xəbər verir ki, oyunsonrası mətbuat konfransında qonaqların məşqçisi Ruslan Abışov media önünə çıxıb.

- Birinci oyunda qələbə qazanmışdıq. Amma bu bizim üçün heç nəyi dəyişmirdi. Matça ciddi hazırlaşmışdıq. Erkən qol komandada bir az arxayınlıq yaratdı. Bu da oyuna təsirini göstərirdi. İkinci hissənin əvvəlində vurduğumuz qoldan sonra ümumi hesabda 3:0 öndə idik. Əks-hücumlarda epizodlar yaradıb daha çox qol vura bilərdik. Artıq bu matçı unudub çempionat oyununa hazırlaşacağıq. Kubokda hədəfimiz böyükdü, finala qədər getmək istəyirik.

- Kurban Berdiyev bu gün cəzalı durumda idi. Tribunadan hansı göstərişləri verirdi?
- Baş məşqçimiz yuxarıdan daha yaxşı görürdü. Göstərişlərini verirdi. Biz də onun dediklərini futbolçulara çatdırmağa çalışırdıq. Əsas odu ki, yarımfinala vəsiqə qazandıq.

- Yarımfinalda rəqibiniz "Qarabağ" və ya "Sabah" olmayacaq. Bu amil finala çıxmaq şansınızı artırır?
- Bizim üçün kubok çox vacibdi. Düzdü, qarşıda bizi "Zirə" ilə çətin oyunlar gözləyir. Onlar da kuboka iddialıdı. Məqsədimiz finala çıxmaq və kuboku qazanmaqdı.

MÜZƏFFƏR QULUZADƏ