"Turan Tovuz" Misli premyer-liqasının 35-ci tur matçında "Sumqayıt"ın meydanından qələbəylə ayrıldı - 1:0.

"Football-plus.az" xəbər verir ki, "bozqurd"un baş məşqçisi Kurban Berdıyev oyunsonrası mətbuat konfransında jurnalistlərin suallarını cavabladı.

- Layiqli qələbə qazandıq. Lakin bəzi epizodları dəyərləndirə bilmədik.

- Evdəki oyunla bu matç arasında hansı fərqləri gördüz?
- Fərq sadəcə detallarda gizlidi. Bu haqda nəsə demək istəmirəm.

- Müdafiəçiləriniz zədələnməsə, mövsümü üçüncü pillədə başa vura bilərdiz?
- Marandiçi, Miller və Şəhriyarın yoxluğu ciddi problem yaratdı. Demək olar ki, bütün müdafiəçilərin xidmətindən məhrum olduq. Yeni futbolçuların onları layiqincə əvəz etməsi üçün çox vaxt lazım oldu. İlk iki dövrə ərzində demək olar ki, səhvə yol vermədik.

- Mövsümü "Turan Tovuz" üçün qənaətbəxş saymaq olar?
- Düzü, əvvəldən 4-cü pillədə qərarlaşacağımızı desələr, sevinərdim. Çünki bu çempionatı tanımırdım. Ancaq hadisələrin axarına uyğun olaraq deyə bilərəm ki, daha yaxşısını edə bilərdik. Aparıcı futbolçularımızın zədələnməsi işləri korladı.

KƏNAN BAHADIR