Hans-Diter Flik bu mövsüm intizamsızlığa qarşı cəzaları sərtləşdirib. Bu haqda sport.es saytı məlumat yayıb.

"Football-plus.az" xəbər verir ki, “Barselona”nın baş məşqçisi oyunçularına komandanın düşərgəsinə gecikdikləri üçün külli miqdarda cərimələr tətbiq edib.

Kataloniyalıların 25 yaşlı hücumçusu Ferran Torres bugünlərdə verdiyi müsahibədə Flikin tətbiq etdiyi yeni qaydalar barədə danışıb. Onun dediyinə görə, futbolçular məşqlərə və komandanın tədbirlərinə gecikdiklərinə görə ciddi maliyyə cəzaları ilə üzləşirlər. Xüsusilə kimsə oyun günü düşərgəyə gecikərsə, cərimə 40000 avro olur. Ferranın sözlərinə görə, Kataloniya futbolunun rahat atmosferinə baxmayaraq, Flik intizamsızlığa sərt yanaşmasını davam etdirir.

Maraq üçün qeyd edək ki, almaniyalı mütəxəssis 2024-cü ilin yayında “Barselona”nın baş məşqçisi təyin olunub. Komanda onun rəhbərliyi altında indiyədək 99 oyuna çıxıb, 74 qələbə qazanıb, 9 dəfə heç-heçə edib və 16 dəfə məğlub olub.