Qışdan sonra cəmi bir oyunda qələbə qazanan “Sumqayıt” əsas rəqiblərinə məğlub olmuşdu. “Kimyaçılar” son turda “Kəpəz” önündə də biabır oldu.

Qış fasiləsinə 28 xalla 5-ci pillədə yollanan “Sumqayıt” hazırda 7-ci pillədəki “Neftçi” ilə eyni xala malikdi. Hələ “ağ-qaralar”ın ehtiyatda bir oyunu da var.

Mövsümün həlledici məqamında Saşa İliçin komandası inanılmaz eniş yaşayır. "Kimyaçılar" son 8 oyunda cəmi bir qələbə qazanıb. O da sonuncu pillədə olan "Karvan-Yevlax" üzərində. Bəlkə də kuboka kökləniblər. Belədisə, nə dərəcədə doğru addımdı? Qətiyyən doğru deyil. Elə sabiq “Sumqayıt”lı Samir Abasov ötən mövsüm “Neftçi”nin “sükanı arxasında” olanda çempionat oyunlarını bada verdi ki, “kubok var”.

Bəlkə də futbolçular artıq yorulub. Bəlkə də baş məşqçi baxımından problem var. Amma indiki məqamda “gənclik şəhəri”nin yeganə təmsilçisi avrokubok hədəfindən çox uzaq düşüb.

MÜZƏFFƏR QULUZADƏ