Bu gün Misli premyer-liqasında 25-ci tura start verilib.

Üç gün ərzində keçiriləcək oyunların hamısını “CBC Sport” canlı yayınlayacaq.

Misli premyer-liqası
3-cü dövrə, 25-ci tur
1 mart
Sumqayıt – Kəpəz 1:3
İsa Suliman, 80 - Vüsal Məsimov, 20, Mate Kvirkviya, 62, Rüfət Əhmədov 90+5
“Sumqayıt”ın bu rəqiblə ev oyunlarının balansı: 13:+8=3-2, 23:13.
2011/12 – 4:1, 2:0; 2012/13 – 2:1, 1:0; 2015/16 – 2:2, 2:3; 2016/17 – 1:1, 3:1; 2017/18 – 2:1, 2:1; 2022/23 – 0:0, 1:2; 2023/24 – 1:0.
“Futbol+”in proqnozu: 40-30-30.
Sumqayıt, Mehdi Hüseynzadə adına şəhər stadionu. Saat 19.00.

Tur maraqlı qarşılaşmayla başlayacaq. Meydan sahibləri 2-ci pillədəki yerini möhkəmləndirməlidi. Burda motivasiya mənbəyi azarkeş dəstəyi və rəqibin autsayderlərdən “Kəpəz” olmasıdı. Ötən həftə “Qarabağ”a uduzmaqla 7 oyunluq məğlubiyyətsizlik seriyasını sıfırlayan komanda mövsümdə üçüncü dəfə ardıcıl uğurlara imza atmaq istəyirsə, fürsətdən yararlanmağa məcburdu. Samir Abasov hələ ki heyətin kasadlığını və əsas rəqibləriylə müqayisədə büdcə çatışmazlığının olduğunu dilə gətirir. Əlbəttə, bəlkə də reallıq budu. Lakin “gənclik şəhəri” təmsilçisi şanslardan istifadə etməli və xal ehtiyatını artırmalıdı. “Kimyaçılar” “Neftçi”nin də ən azı onlar qədər 2-ci pilləyə göz dikdiyini anlamalıdı. Büdrəmək komandaya baha başa gələ bilər. Qısası, demək olar ki, qələbədən başqa yol yoxdu. Təbii ki, bu məqamlar müəyyən mənada rəqibə də aiddi. “Kəpəz” “Qəbələ”nin xal fərqini azatlmasına, sadəcə onunla yox, başqalarıyla mübarizə zamanı da mane olmalıdı. Zarafat deyil, söhbət premyer-liqanı tərk etməkdən gedir ki, bunu heç kim arzulamaz. Adil Şükürov “qırmızı-qaralar”ın Kaxaber Sxadadzenin rəhbərliyi altında yüksəlişə keçmək ehtimalını gözardı etməməlidi. Fələyin işini bilmək olmaz. İndiki durumda hər xal qızıl dəyərindədi! Onu vurğulayaq ki, bu oyunun favoriti “Sumqayıt”dı. Üstəlik Samir Abasovun komandaları hələ yenilənmiş “Mehdi Hüseynzadə”də uduzmayıb.

Ümumiyyətlə, bu komandalar indiyə qədər 26 dəfə üz-üzə gəlib. Bunların 12-də “kimyaçılar”, 6-da “sarı-göylər” qələbə qazanıb. Topların nibətində də “gənclik şəhəri” təmsilçisi öndədi – 33:24.

KƏNAN BAHADIR