Dünən keçirilən “Nyukasl”la oyunun 20-ci dəqiqəsində zədələnənən “Qarabağ”ın müdafiəçisi Bəhlul Mustafazadənin durumu bəlli olub.
28 yaşlı mərkəz müdafiəçisi 3 aylığa sıradan çıxıb. Ayaq nahiyəsindən zədələnən futbolçu mövsümün sonuna qədər oynaya bilməyəcək.
Xatırladaq ki, ötən ay Çindən yüksək maaşlı təklif alan Bəhlul Çempionlar Liqasında mübarizəyə görə komandasını tək qoymamaq üçün “Qarabağ”dan ayrılmamışdı. İndi isə belə çıxır ki, Çin arzusu da çin olmayacaq...
MÜZƏFFƏR QULUZADƏ