Medina ilə Bəhlulu kim əvəz edəcək?
“Qarabağ” bu gün Avropa Liqasının əsas mərhələsinin 6-cı turunda “Elfsborq”un qonağı olacaq.
“Köhlən atlar”ın təcrübəli mərkəz müdafiəçisi Bəhlul Mustafazadənin matça hazırlıq zamanı zədələndiyindən xəbərdarsınız. O, bud arxa əzələsinin gərilməsi üzündən təxminən 4-6 həftə yaşıl meydandan kənarda qalacaq. Daha əvvəl isə “Qarabağ”ın digər mərkəz müdafiəçisi Kevin Medinanın oyunu buraxacağı məlum idi.
“Elfsborq”la oyunda “Qarabağ”ın müdafiə xəttinin iki əsas siması olmayacaq. Belədə müdafiə xətti kimlərdən qurulmalıdı? Təcrübəli mütəxəssis Arif Əsədov “Futbol+”in bu sualını cavabladı:
“Təbii ki, olmamaları yaxşı bir hal deyil. Hər bir futbolçu “Qarabağ” üçün önəmlidi. Onları kimi əvəz edəcəyini məşqçilər korpusu daha yaxşı bilir. Bizə gözləmək qalır. Mən deyə bilmərəm ki, kimi oynatmalıdı. Qurban müəllim Mateus Silvanı sağdan ortaya çəkirdi. Bəlkə də bu rotasiyaya əl ata bilər”.
ƏSƏD SEYİDOV
Digər xəbərlər
