“Çox maraqlı oyun gözləyirəm. Pley-off mərhələsi iki oyundan ibarətdi. Açığı, favorit “Nyukasl”dı. Amma bu o demək deyil ki, “Qarabağ” mərhələni keçə bilməz. “Qarabağ”ın çempionatdakı son oyunlarına nəzər salsaq, görərik ki, komanda xarakter göstərir. Cırmaq-cırmaq da olsa, 3 xal qazanır və “Sabah”la çempionluq mübarizəsini davam etdirir. Bu da müsbət haldı. Sevindirici hal odu ki, “Qarabağ” optimal heyətlə oynayacaq. Zədəlilər yoxdu. Qubadakı oyunda bu hal baş verə bilərdi. Düşünürəm ki, komanda mental baxımdan da oyuna hazırdı. “Nyukasl”ı böyütməyə ehtiyac yoxdu. Müdafiələrində boşluq var. Heyətdə sabitlik yoxdu. İlk oyunda minimal hesablı qələbə, heç-heçə gözləyirəm. Birinci oyundan sonra cavab oyununu da proqnozlaşdırmaq olacaq. Nəticədən aslı olmayaraq, “Qarabağ”ın əzmlə mübarizə aparacağına və ölkə futbolunun adını yüksək tutacağına inanıram. Ümid edirəm ki, şansımız az da olsa, var. Qurban müəllim də, komandası da növbəti mərhələyə yüksəlmək üçün əlindən gələni edəcək”.