Çempionlar Liqasının pley-off mərhələsinin ilk oyununda "Nyukasl"ı qəbul etməyə hazırlaşan "Qarabağ" ciddi problemlə üzləşib.

"Football-plus.az" xəbər verir ki, "köhlən atlar" bu matçda əsas qapıçısı Mateuş Koxalskinin xidmətindən yararlanmaya bilər. Ona görə ki, polşalı "əlcək sahibi"nin zədəsi hələ tam sağalmayıb.

Bu barədə redaksiyamıza klubun mətbuat xidmətinin əməkdaşı Anar Həsənov məlumat verib. Onun sözlərinə görə, həkimlər futbolçunun oyuna tam hazır olması üçün əlindən gələni edir.

Xatırladaq ki, ağdamlıların baş məşqçisi Qurban Qurbanov Misli premyer-liqasının 20-ci turunda "İmişli"yə qarşı keçirdikləri oyundan sonra mətbuat konfransında Koxalskinin məşqdə zədələndiyini demişdi. Qolkiperin adı bu səbəbdən Qubadakı matçın iştirak ərizəsinə daxil edilməmişdi.

KƏNAN BAHADIR