Məlum olduğu kimi, “Qarabağ” bu gün Çempionlar Liqasının 2-ci təsnifat mərhələsinin ilk oyunu çərçivəsində “Şelburn”un qonağı olacaq. Dublindəki “Tolka Park” stadionunda keçiriləcək oyun saat 22.45-də start götürəcək.

Sizi “köhlən atlar”ın oyuna hazırlıq prosesiylə bağlı məlumatlarla tanış etmişik. Ancaq ağdamlıların heyəti haqda yeni bilgi var. Sən demə, komandanın aparıcı futbolçularından olan Marko Yankoviç Bakıda keçirilən sonuncu məşqdə zədələnib. Bu barədə “Football-plus.az”a klubun mətbuat xidmətinin rəhbəri Anar Hacıyev məlumat verib. Onun sözlərinə görə, monteneqrolu yarımmüdafiəçinin “Şelburn”la ilk oyunu buraxacağı dəqiqdi.

Xatırladaq ki, “Qarabağ” srağagün İrlandiyaya yollanıb. Komanda təxminən 6 saat yarım davam edən uçuşdan sonra Dublinə çatıb.

KƏNAN BAHADIR