“Sabah” ötən həftə qış “transfer pəncərəsi”ndə ilk və son transferini etdi - “Maribor”un hücumçusu Patrik Orfe Mbinanı heyətinə qatıb. Amma sloveniyalı azarkeşlər bu keçidi birmənalı qarşılamayıb, Mbinanın “Maribor”a lazım olduğunu vurğulayıblar.

“Football-plus.az” diqqəti çəkən şərhləri təqdim edir.

Elvis Huskiç: “25 oyunda çox az dəqiqə alıb, amma 9 qol vurub. Bu bizim istəyimizə görə heç də pis nəticə deyil. Fiziki gücü, qol duyumu yerindədi və çox gəncdi. “Maribor”da qalsaydı, çox xeyir verə bilərdi”.
Maryan Klemençiç: “Sabah” “Maribor”dan daha güclü klubdu. Onlar daha yaxşı olanları erkən oynadırlar”.
İqor Tomajiç: “Bu oğlan pis deyil, sadəcə, bir qədər yaxşı olmalıdı”.
Jiqa Kolar: “Buna yazığım gəlir. Məncə, Visingerdən (“Maribor”un əsas hücumçusundan – red.) daha yaxşıdı”.

MÜZƏFFƏR QULUZADƏ