“Sabah” heyətini yeni futbolçu ilə gücləndirib.

"Football-plus.az" xəbər verir ki, qabonlu hücumçu Patrik Orfe Mbina bundan sonra komandanın uğurları üçün çalışacaq.

25 yaşlı futbolçu Sloveniya “Maribor”undan icarəyə götürülüb. İcarə müqaviləsi cari mövsümün sonuna kimi nəzərdə tutulub. Tərəflər arasında əldə olunan razılaşmaya əsasən, “Sabah” icarə müddətinin sonunda futbolçunun birbaşa transfer hüququna malik olacaq.

Mbina karyerası ərzində Qabonun “Port-Jantil” (2016-18), Fransanın “Kolomye” (2018), “Bezye B” (2019-20), “Qrenobl B” (2020-21), “Bove” (2021-22), “Şamalyer” (2022-23), “Nim” (2023-24), Portuqaliyanın “Leyriya” (2025, icarə) və Sloveniyanın “Maribor” (2024-25) komandalarında çıxış edib. Qabon millisinin də üzvü olan futbolçu yığmada 5 oyun keçirib.