Misli premyer-liqasının 20-ci turunda “Kəpəz” “Neftçi”yə uduzdu - 1:3.

“Football-plus.”az gəncəlilərin baş məşqçisi Azər Bağırovun oyunsonrası mətbuat konfransından hesabatı təqdim edir.

- Azarkeşlərə təşəkkür edirəm. Məğlub olsalar da, yanımızdadılar. Oyun mənim üçün iki hissəyə bölünmüşdü. İlk hissədə heç nədən ən ucuz qollar buraxdıq. Daha məsuliyyətli olmalıyıq.

- Ucuz qollarda qapıçının nə qədər “rolu” var?
- Hər oyundan qabaq qapıçı məşqçisi ilə də məsləhətləşirik. Yusifin səhvləri var idi. “Turan Tovuz”la oyunda da səhv etmişdi.

- Vernidubla sanki köhnə tanışsız. Oyundan öncə 1 dəqiqəyə yaxın söhbət etdiz.
- Ortaq köhnə məşqçi haqda danışdıq. “Neftçi”yə xoş gəlmisən” dedim.

- Nə təsadüfdüsə, Ohori “Neftçi”yə qarşı oynamır. Müqavilədə belə bənd var?
- Gözündə problem var. Kağızı da göstərərəm, qəbzi də (gülür).

- Rəhbərlik sizə lazım olan qayğını göstərir?
- Heç bir problemimiz yoxdu. Bentunun gedişi kluba zərbə vurdu. İnşallah, elitadan düşməyəcəyik. Rəqiblərimizə qarşı oynamışıq. “Kəpəz”dən hər oyun xal gözləyənlərə suallarım var. “Neftçi”, “Sabah” il eyni büdcədəyik? Feyjao dedi ki, arvadım hamilədi, burda doğa bilməz. Feyja icazə istədi, Bentu heç icazə də istəmədi. Heç bir problemi yox idi.

- Bu problemlər hamısı “Kəpəz”in başına gəlir. Bəlkə boşluq rəhbərlikdədi?
- “Kəpəz”ə görə hər şey udmuşuq. “Şamaxı” ilə oyunöncəsi məşqə butssuz gəlmişdi. Buna rəhbərlik nə etsin?!

- Məqsədin qırmızı vərərə aldığı epizoda münasibətiniz?
- Psixoloji balanssız idi. Dözmədi. Məqsəd təcrübəli futbolçudu.

MÜZƏFFƏR QULUZADƏ