Misli premyer-liqasının 12-ci turunda “Kəpəz” səfərdə “Karvan-Yevlax”ı 2:1 hesabıyla məğlub etdi.

“Football-plus.az” “Kəpəz”in baş məşqçisi Azər Bağırovun oyunsonrası mətbuat konfransından hesabatı təqdim edir.

- Yevlaxa böyük futbolun qayıtması yaxşı haldı. Qələbəni şəhid övladı Nilay balamıza həsr etmək istəyirəm. Bizim üçün çətin oyun oldu. Mübarizəli oyun oynadılar. Səfərdə azarkeşlərin qarşısında oynamaq çətin oldu. Xeyli qol imkanımız var idi.

- Oyunun qırılma anı hansı idi?
- Ümid Səmədovun topu qapıdan çıxarması. Futbolçularda inam artdı. Təcrübəsizlik öz sözünü dedi.

- Ohori qol epizodlarına girir, amma nəticə yoxdu.
- İstəyərdim ki, digər futbolçular da epizodlara girsin. Bu məqamları aradan qaldırmaq istəyirik. İnanıram ki, bu alınar.

- Ev oyunlarını burda keçirəcəksiz. Qazonun vəziyyəti haqda fikirləriniz?
- Elə də pis deyil. Daha yaxşı olacaq. Bura yaxındı deyə gəldik. Daha rahatıq.

- “Qış pəncərəsi”nə qədər transferlər olacaq?
- Xeyr.

MÜZƏFFƏR QULUZADƏ