“Real” növbəti oyunu ərəfəsində ciddi itkilərlə üzləşib.

"Football-plus.az" xəbər verir ki, komandanın müdafiəçisi Raul Asensio ilə hücumçusu Kilian Mbappe cümə axşamı keçirilən məşqdə iştirak etməyib.

Məlumata görə, Asensioda qrip əlamətləri aşkarlandığı üçün o, kollektiv hazırlıq prosesindən kənarlaşdırılıb. Mbappe isə ardıcıl ikinci gün kollektiv çalışmalara qoşulmayıb. Fransalı hücumçu hazırlıqlarını qapalı zalda, fərdi proqram əsasında davam etdirib. La Liqanın bombardirinin qarşıdakı oyunu buraxmaq ehtimalı yüksək qiymətləndirilir.

Qeyd edək ki, “Real” fevralın 14-də doğma meydanda “Real Sosyedad”la qarşılaşacaq.