Kilian Mbappe yeni rekorda imza atıb.

“Real”ın hücumçusunun “Espanyol”a (2:0) vurduğu qol onun La Liqadakı 36-cı qolu olub. Bununla da 26 yaşlı fransalı oyunçu İspaniya çempionatında 35 dəfə fərqlənən “Barselona”nın sabiq hücumçusu Tyerri Anrini geridə qoyub.

Qeyd edək ki, Mbappe bu göstəriciyə 39 oyunda çatıb. Anri isə 80 qarşılaşmada 35 qol vurmuşdu.

Kilian “Real”a 2024-cü ilin yayında keçib və indiyədək 51 qol vurub. Anri isə 2007–10-cu illərdə “Barselona”nın heyətində 49 qola imza atıb.