“Leykers”in forvardı Lebron Ceyms fevralın 15-də keçiriləcək Ulduzların oyununa qatılmaq imkanı qazanıb.

"Football-plus.az" xəbər verir ki, 41 yaşlı amerikalı karyerasında 22-ci dəfə Ulduzların oyununun heyətinə düşüb ki, bu da mütləq rekorddu.

Xatırladaq ki, o, ötən il son 20 ildə ilk dəfə zədə üzündən bu oyunu buraxmışdı.

Dairəvi sistemlə keçiriləcək turnirdə üç komanda iştirak edəcək. Komandalardan ikisi amerikalı, biri isə başqa ölkələrdən olan basketbolçulardan qurulub. Hər heyətdə 8 basketbolçu yer alıb, hər oyun 12 dəqiqədən ibarət olacaq.

MBA artıq Ulduzların oyununa qatılacaq bütün komandaların heyətini açıqlayıb.

ABŞ (1-ci komanda): Skotti Barns (Toronto), Devin Buker (Finiks), Keyd Kanningem, Ceylen Düren (hər ikisi “Detroyt”), Entoni Edvards (Minnesota), Çet Holmqren (Oklahoma-Siti), Calen Conson (Atlanta), Tayriz Maksi (Filadelfiya 76). Baş məşqçi: Cey Bi Bikerstaff (Detroyt).

ABŞ (2-ci komanda): Ceylen Braun (Boston), Ceylen Branson (Nyu-York), Stefen Karri (Qolden Steyt), Kevin Dürant (Hyuston), Lebron Ceyms (Leykers), Kavay Leonard (Klippers), Donovan Mitçell (Klivlend), Norman Pauell (Mayami). Baş məşqçi: Mitç Conson (San-Antonio).

Dünya yığması: Yannis Adetokunbo (Miluoki - Yunanıstan), Deni Avdiya (Portlend - İsrail), Luka Donçiç (Leykers - Sloveniya), Şey Gilces-Aleksander (Oklahoma-Siti - Kanada), Nikola Yokiç (Denver - Serbiya), Camal Mürrey (Denver - Kanada), Paskal Siakam (İndiana - Kamerun), Karl-Entoni Tauns (Nyu-York – Dominikan Respublikası), Viktor Vembanyama (San-Antonio - Fransa). Baş məşqçi: Darko Rayakoviç (Toronto).