“Bu fasilədə fiziki durumu yaxşılaşdırmaq olardı” – Azər Həşimov Fizuli Məmmədova cavab verdi
Misli premyer-liqasının 18-ci turunda “Karvan-Yevlax” doğma azarkeşləri qarşısında “Şamaxı”ya 0:2 uduzdu. Oyunsonrası mətbuat konfransında yevlaxlıların baş məşqçisi Fizuli Məmmədov belə açıqlama verdi:
“Əvvəlki məşqçinin bostanına daş atmaq istəmirəm, amma mən gələndə fiziki güc çox zəif idi”.
Əvvəlki məşqçi də Azər Həşimov idi. Hazırda Aran təmsilçisinin başında olan mütəxəssis “bostana daş atmasa da”, öz bostanının məhsulunun daha dadlı (güclü) olduğunu demək istədi.
Bəs bu barədə Azər Həşimov nə düşünür? Həqiqətən də fiziki durum indi daha sabit vəziyyətdədi?
“İnanın səmimiyyətimə, mən oyuna baxmamışam. Qol epizodlarından da xəbərim yoxdu. Fiziki durum məsələsinə gəlincə, 1 aylıq qış fasiləsi oldu. Bu fasilədə fiziki durumu yaxşılaşdırmaq olardı”.
MÜZƏFFƏR QULUZADƏ
Digər xəbərlər
