“Demək olar ki, bütün oyunları səfərdə keçiririk” – Azər Həşimov

“Karvan-Yevlax” ev oyununda “Sabah”a məğlub oldu - 0:2.

Yevlaxlıların baş məşqçisi Azər Həşimov oyundan sonra jurnalistlərin suallarını cavabladı.

- İki qol buraxdıq. İkinci hissədə tirdən qayıdan topumuz oldu. Əvəzetmələr də etdik, alındıra bilmədik. “Sabah”ı qələbə münasibəti ilə təbrik edirəm.

- Qol vura bilmədiyiniz oyunların sayı beşə çatdı. Həyəcan təbilinin vaxtıdı?
- İki hücumçumuz var. Mikels zədəlidi. Uğuru ikinci hissədə meydana buraxdıq.

- Ötən turun ən yaxşısı Kamran kobud səhv üzündən qol buraxdı.
- Xeyr. “Doqquzluğ”a gedən top idi. Çox vaxt belə toplar olmur. Məncə, rəqib daha yaxşı oynasa da, qolları bəxtsizlik üzündən buraxdıq.

- Yevlaxa nə vaxt qayıdırsız?
- PFL gəlib baxmalıdı. Yaxın günlərdə reallaşacaq. Demək olar ki, bütün oyunları səfərdə keçiririk.

- Mikelsin bu tur oynayacağını demişdiz…
- Həkimlər belə məsləhət gördü. Milli fasilədə tam özünə gələcək.

MÜZƏFFƏR QULUZADƏ