Düzünə qalsa, şəxsən mənim üçün “Liverpul”la oyunun heç bir əhəmiyyəti yoxdu. Onsuz da “Qarabağ” pley-offa vəsiqəni təmin edib və “Enfild”dəki qarşılaşma formal xarakter daşıyır.

Qurban Qurbanovun fərqli düşünməsi başqa məsələdi. Çox güman, Qurban bəy klubun imici naminə güclü rəqibə layiqincə müqavimət göstərmək və mümkün 1 xal hesabına liqa mərhələsini daha üst pillədə bitirmək istəyir ki, bunun da praktik əhəmiyyəti var, yəni nə qədər yuxarıda qərarlaşsan, pley-offda bəxtinə bir o qədər zəif rəqib düşə bilər.

Məni düşündürən məqam başqadı. Dünən “Bornmut”a 2:3 uduzan “Liverpul”un baş məşqçisi Arne Slot əvvəldən axıra ah-nalə çəkib:

Bu açıqlamanın açmasını, sətiraltı mesajı oxuya bilirsizmi? Adam demək istəyir ki, intensiv oynayan istənilən rəqib bizi çətinə sala bilər. “Qarabağ” “Ayntraxt”a qarşı 90 dəqiqə məhz belə oynadı, futbolçularımız “yoruldum” demədən çalışdı, Qurbanov ilk dəyişikliyə yalnız 84-cü dəqiqədə əl atdı.

Bax, həmin intensiv oyunu Liverpulda da təkrarlayırsan, məsələ bitir. 1 xal nədi, hətta bəlkə 3 xal da qazanmaq olar!

ORXAN