“Autsayder komandanın iddialı rəqibinə qalib gəlməsi niyə belə sensasiya doğurur ki?! Başqa çempionatlarda da belə hallara rast gəlinir. Hamısı satılıb? Biz meydana çıxdıq, iradəmizlə, əzmimizlə qalib gəldik. Bu cür xəbərlərin yayılması bizə hörmətsizlikdi. Böyük ehtimalla, istintaq aparılırsa, “Səbail”in futbolçularıyla da bağlı məsələdi. Ancaq “Səbail”ə qalib gəlmək inanılmaz şey deyil ki... Rəqibə 17 dəqiqədə 4 qol vurmaq böyük sensasiya deyil. Sadəcə, bir qədər təcrübəsizik deyə autsayderlər sırasındayıq. Qələbəmizə heç kim ləkə salmasın... Ola bilsin, rəqib bizə yuxarıdan aşağı baxdı və buna görə onları cəzalandırdıq. AFFA, FİFA, UEFA... İstənilən qurum araşdırma apara bilər. Bizim vicdanımız təmizdi. Biz döyüşdük və ili möhtəşəm qələbəylə başa vurduq. Onu da deyim ki, AFFA-dan bizə hansısa müraciət daxil olmayıb”.