"Araz-Naxçıvan" dünən Misli premyer-liqasının 6-cı turunda "Neftçi"yə qalib gəlməklə sensasiya imza atdı.

Komandasına penalti qazandıran belçikalı yarımmüdafiəçi İsmail Azzoui oyundan sonra “Football-plus.az”a danışdı.

- Meydana çıxdın və komandanın qələbəsində pay sahibi oldun. Bu necə hissdi?
- Komandamın qələbəsində pay sahibi olduğuma görə xoşbəxtəm. Meydana çıxdımsa, komandam üçün əlimdən gələnin ən yaxşısını etməyə çalışmalıyam ki, baş məşqçinin etimadını doğruldum. Çox xoşbəxtəm ki, "Neftçi"yə qalib gəldik.

- Oyuna yaxşı qoşuldun, hətta bir real qol şansın da oldu...
- Bəli, daha bir epizodda qol vurmaq üçün şansım oldu. Bu futboldu. Həmin epizodda daha yaxşısını etməliydim, amma edə bilmədim. Xoşbəxtlikdən qalib gəldik və 3 xal qazandıq. Xal qazanmaq daha vacib idi.

- Start heyətində meydana çıxmamağının səbəbin nədi?
- Həqiqətən də bilmirəm ki, niyə start heyətində yer almamışdım. Baş məşqçimizin qərarıdı. Böyük bir səbəb yox idi. Başqa futbolçular da mənlə birlikdə məşq edir, çalışır. Mən də çalışıram ki, məşqçimizə hazırlıq zamanı özümü göstərim və oyunlara tam hazır olum.

- Növbəti turda "Səbail"lə qarşılaşacaqsız. Bu oyun barədə nə deyə bilərsən?
- Məncə, komanda hər oyunda əlindən gələni etməlidi ki, meydanı xalla tərk etsin. Yaxşı komandamız və potensialımız var. Növbəti həftə "Səbail"ə qalib gəlmək üçün çalışacağıq. Kollektivdə əhval-ruhiyyə yaxşıdı. Lakin artıq "Neftçi" ilə oyunu unudub, növbəti matça köklənməliyik.

CAVİD ƏLİYEV