Həm uduzdu, həm də çənəsi qırıldı

Amerikalı bloger və boksçu Ceyk Pol britaniyalı Entoni Coşua ilə döyüşdən sonra çənəsindən əməliyyat olunub.

"Football-plus.az" xatırladır ki, dekabrın 20-də Mayamidə keçirilən döyüşün 6-cı raundunda Coşua rəqibini nokauta salıb.

Pol sosial şəbəkə hesabında əməliyyatla bağlı bunları yazıb: “Əməliyyat yaxşı keçdi, sevgi və dəstəyə görə sağ olun. Hər iki tərəfdən iki titan plastin qoyulub. Bəzi dişlərim çıxarılıb. Yeddi gün ərzində yalnız maye qəbul etməliyəm, əlvida hot-doq”.

28 yaşlı Pol karyerası boyunca keçirdiyi 14 döyüşün 12-də qalib gəlib, 2-də uduzub.