“Çelsi” rəhbərliyi gələn ilin yanvarında baş məşqçi dəyişikliyi etməyi planlaşdırır.

"Football-plus.az" xəbər verir ki, məşhur insayder Fabritsio Romanonun məlumatına görə, London klubu Entso Mareskanı istefaya göndərmək niyyətindədi. Rəhbərlik komandanı “Barselona”nın sabiq baş məşqçisi Xaviyə tapşırmaq qərarına gəlib. Romano “Çelsi”nin artıq ispaniyalı mütəxəssislə danışıq apardığını da bildirib.

Mareska premier-liqada “Everton”a 2:0 hesabı ilə qalib gəldikləri matçdan sonra verdiyi müsahibədə “Çelsi” rəhbərliyində bəzi şəxslərin onu və komandanı dəstəkləmədiyini bildirib. İtaliyalı mütəxəssis London təmsilçisini 2024-cü ilin yayından çalışdırır. “Çelsi” indi premyer-liqanın turnir cədvəlində 28 xalla 4-cü yeri tutur.