“Liverpul” düşərgəsi indi yanğın yerinə bənzəyir.

"Football-plus.az" xəbər verir ki, Məhəmməd Salah ardıcıl üç oyunda start heyətinə salınmadı, bunların ikisində, ümumiyyətlə, meydanda görünmədi və “Lids”lə oyundan sonra, nəhayət, media önünə çıxdı. Onun 7 dəqiqə davam edən müsahibəsindən ən maraqlı məqamları nəzərinizə çatdırırıq.

Klubun davranışı haqda
Çox-çox məyusam. Bu illər ərzində, xüsusən də ötən mövsüm klub üçün çox şey etmişəm. Ehtiyat oyunçular skamyasında 90 dəqiqə oturmağıma inana bilmirəm. Artıq üçüncü dəfə belə oldu. Ehtiyatda qalmağımın səbəbini bilmirəm. Belə çıxır ki, klub günahı mənim üzərimə yıxır – hiss etdiyim budu. Düşünürəm ki, hər şey aydındı: kimsə bütün günahım üzərimdə qalmasını istəyir. Yayda mənə çox şey vəd etdilər. Onların sözlərini tutduqlarını deyə bilmərəm. Belə durumla barışmayacam. Bu klub üçün çox şey etmişəm.

Arne Slot haqda
Baş məşqçi ilə yaxşı münasibətlərim var idi, qəfil heç bir münasibət yoxdu. Mənə elə gəlir ki, kimsə məni klubda görmək istəmir. Baş məşqçi ilə aramızda heç bir münasibət yoxdu. Yəqin ki, o mənim hisslərimi anlayır.

Gələcək haqda
Həmişə bu kluba azarkeşlik etmişəm, uşaqlarım da həmiçə onu dəstəkləyəcək. Həmişə bu klubu sevəcəm. Dünən anama zəng edib dedim ki, “Brayton”la oyuna gəlin, oynayıb-oynamayacağımı bilmirəm, amma məmnun olacam. Afrika Millətlər Liqasına yollanmaq ərəfəsində azarkeşlərlə vidalaşmaq və üçün “Enfild”də olacam. Sonra nələrin baş verəcəyini bilmirəm.

Müqavilə haqda
Yeni müqavilə imzaladığıma görə təəssüflənirəmmi? Təsəvvür edin ki, bu suala səmimi cavab vermək mənim üçün necə çətindi. Düşündüm ki, müqavilə müddətini uzadacam və karyeramı burda bitirəcəm. İndi beynimdə yalnız bu fikir fırlanır: niyə hər şey məhz belə bitməlidi? Ona görə ki, yetərincə yaxşı formadayam, cəmi 5 ay əvvəl bütün fərdi mükafatları qazanmışam, bəs niyə məsələlər belə istiqamət üzrə inkişaf edir? Bağışlayın, indi bütün komanda həmin formada deyil, ancaq təkcə mən özümü müdafiə etməli oluram.

Xidmətləri haqda
Klub üçün etdiklərimdən sonra bu durumu qəbul etmək çətindi. Evdən çıxarkən bilmirsən ki, start heyətində olacaqsan, ya yox. Sabah Ceymi Karrager yenidən efirdə mənə hücum edəcək. Premyer-liqaya gələndən bəri bu nəsildə hamıdan çox qol vurmuşam. Hər kəs deyir ki, Monu günahlandırın, o komanda üçün problemdi. Düşünmürəm ki, problem mənlə bağlıdı. Heyətdə yerimlə bağlı qorxu keçirmirəm, çünki bunu haqq etmişəm. Klubdan artıq deyiləm, amma start heyətində yerə layiqəm.
Sonda xatırladaq ki, Salah cari mövsümdə premyer-liqada keçirdiyi 13 oyunda 4 qol vurub, 2 məhsuldar ötürmə verib, Çempionlar Liqasında keçirdiyi 5 oyunda göstəricisi 1+1-di. 33 yaşlı misirli vingerin klubla müqaviləsinin müddəti 2027-nin yayına qədərdi. Salah Afrika Millətlər Kubokuna yollanır ki, orda Misirin qrupdakı rəqibləri Zimbabve, Cənubi Afrika və Anqola olacaq.