“Qarabağ”ı tənqid edənlər səhv yoldadı” – Aqil Abbas Qurbanovla Nərimana sinə gərdi
“Qarabağ” yüz faiz Çempionlar Liqasının pley-off mərhələsinə vəsiqə qazanacaq” – bu sözləri “Football-plus.az”a açıqlamasında millət vəkili Aqil Abbas deyib.
Həm də futbol həvəskarı olan Aqil bəy “köhlən atlar”ın “Ayaks”a uduzmasını belə şərh etdi:
“Niderland komandası dünyanın ən məşhurları sırasındadı. Bu gün “Qarabağ”ı tənqid edənlər səhv yoldadı. Kollektiv uduzan kimi bu cür sərt təqnid etmək doğru deyil. Bəli, “Qarabağ” uduzdu. Görünür, oyuna sonradan daxil olanlar etimadı doğrultmadı. Lakin bu üzdən onları ruhdan salmaq düzgün olmaz. Xüsusilə də Qurban Qurbanovla Nəriman Axundzadəni. Hamı qələbə istəyirdi. Elə mən də. Alınmadı. Necə deyərlər, həmişə Şaban, bir dəfə də Ramazan”.
Xatırladaq ki, “Qarabağ” “Ayaks”a 2:4 hesabıyla məğlub olub.KƏNAN BAHADIR
