“İnanıram ki, gözəl, marağlı oyun olacaq. “Braqa” bütün gücünü qoysa da, "Qarabağ"ın qarşısında dayana bilməyəcək. Hələ çox mərhələ keçəcəyik. Qurban Qurbanov elə bir komanda yaradıb ki... Kaş Qurbanların sayı ölkəmizdə çox olaydı... Ötən həftə oyunu izləmişdim. Son vaxtlar Lunyov sanki Şahruddinin yolunu gedir. Bu məqam məni bir qədər qorxudur. Lakin bu oyunda ona da güvənirəm. Mən "Qarabağ"a “ayğır atlar” deyirəm. "Braqa" tərəfi ötən oyundan sonra bildirdi ki, “Qarabağ” üstümüzdən tank kimi keçdi. Lakin onların ayğır atlardan xəbəri yoxdu. Bakıdakı oyunda onları tapdalayıb keçəcəyik. Mən həmişə "Qarabağ"a inanmışam. Məğlub olsaq belə, ruhdan düşməmişəm. Burdan azarkeşlərimizə müraciət edirəm. Çempionat oyunlarında da komandalarımızı yalqız buraxmasınlar. Stadiona gedə bilməyəcəm. Sonuncu dəfə "Qarabağ"ın oyununda həyəcanlandığım üçün ürəyim getmişdi. Əminəm ki, Ağdamda yeni stadion tikilib, istifadəyə veriləndən sonra “Qarabağ”ın qarşısında dura bilməyəcəklər”.